Prozesu zibilizatzaileari hats ematen dion indar eragilea -diosku Bah᧵'llᨭk- Jainkoak historian zehar izandako partehartze desberdinetan datza. Eragin horri esker, gizakiaren berezko ahalmen moral eta izpiritualak hazi ahal izan dira apurka-apurka, hartara zibilizazioaren aurrerabidea ahalbidetuz. Behin eta berriro gertatzen den fenomeno hau Krishna, Moises, Buda, Jesus eta Mahoma bezalako pertsonaia transzendentalen egitekoekin erlazionatuta agertzen da. Prozesuak ez du hasierarik ez amaierarik, eboluzio sistemaren oinarria bera baitu euskarri.

Paradoxikoki, gizateria ez da inoiz berarentzat funtsezkoa den prozesu hau ulertzera iritsi. Aitzitik, gizateriaren historia izpiritualaren etapa bakoitzaren joera izan da erlijiozko sistema itxi bilakatzea, erlijiozko bultzada kontraesanetan eta gatazka latzetan harrapatuta geratu delarik.